Gatsinzi Emery
Contents
Ubuzima bwe bwo hambere
Amashuri abanza yayize kuri Ecole primaire Kabusunzu maze ayisumbuye ayiga muri St Andre aho yakuye impamyabumenyi muri sciences humaines,amashuri ya kaminuza akaba yarayakomereje muri Universite Libre de Kigali mu bijyanye n’ubukungu n’icunga mutungo kugeza 2008 aho yaje kuva ubu akaba ari kwiga muri ùRwanda Tourism University College mu ishami ry’ubukerarugendo n’icunga mutungo.
Mu mabyiruka ye, Riderman yakundaga gukina umupira w’amaguru gusa ngo yakundaga i radiyo bitangaje ku buryo bayimukubitiraga kubera kuyicokoza! Nubwo yakundaga muzika ngo ntabwo yumvagako azavamo umuririmbyi ahubwo inzozi ze zari kuzandika igitabo.Yatangiye kwandika imivugo ageze mu mashuri yisumbuye maze akumva indirimbo yibanda cyane ku magambo azigize;mu kumva indirimbo z’ umuhanzi 2PAC niho yakuye igitekerezo cyo gukoresha imivugo yahimbaga agatangira kuyiririmba.
Ubuzima bwe nk’umuhanzi
Yatangiye kuririmba nyuma ya 2005,mu kwezi kwa gicurasi 2006 yinjiye muri groupe UTP soldiers yari igizwe n’inshuti ze arizo NEG J The General na MIM, yakoranye indirimbo 8 na UTP maze asohora indirimbo ku giti cye ya mbere muri 2007 yise ‘Turi muri Party’ ; gusa ntiyatinze muri iyi groupe kuko yaje kuyivamo maze atangira gukora injyana ya RAP ku giti cye.
UTP yakomeje gukora dore ko yahise imusimbuza Paf J, maze Riderman nawe akomeza inzira ye yo kuririmba ku giti cye aho yasohoye indirimbo zakunzwe cyane nk’indirimbo ‘Inkuba’, maze asohora album ye ye mbere yari igizwe n’indirimbo 16 zarimo Rutenderi,Uwo mukobwa n’ izindi… Mu ndirimbo Riderman asohora aba agamije gutanga ubutumwa burwanya akarengane nko mu ndirimbo "Nakoze iki?" aho agaragaza ukuntu umuntu agira neza ariko rubanda bakamwitura inabi cyangwa se mu ndirimbo "Underground" aho agaragaza ko abahanzi bakiri ku rwego rwo hasi nabo bafite agaciro kandi ko badakwiye gufatwa nk’ibicibwa.ati:” Abantu benshi bibagirwa aho bavuye maze bagafata abakene,abari hasi nk’abagome”.
Riderman kandi avuga ko indirimbo asohora ziba zitagamije kwirata ahubwo zikwiye gufatwa nk’ibyivugo aho umuntu yitakaga akisingiza bigatinda! Mu bihe byiza Riderman yagize nk’umuhanzi harimo concert yakoreye i Nyamirambo(kwa Nyirinkwaya) hari na Furious,aho mu gihe yaririmbaga Rutenderi abantu bamwuzuyeho, har kandi na concert yakoranye na Shaggy kuri Stade Amahoro n’igihe yerekanaga album ye kuri petit stade ati:”nari nshyigikiwe!”.
Mu buzima busanzwe Riderman yikundira umutuzo,iyo amaze guhura n’ inshuti ze afata akanya akicara wenyine, akunda films zo mu mashuri(colleges).
Mu bakobwa akunda umukobwa uteye nk’umunyafurika ufite uruhu rw’igikara, wiyubaha, ukuze mu mutwe, w'urubavu ruringaniye kandi ufite ishema ry’ icyo aricyo.
Mu bahanzi bo mu Rwanda akunda Green P na Ben Rutabana naho hanze ni 2PAC na Kerry James ndetse uyu muhanzi Riderman aherutse kuvuga ko umuhanzi mu Rwanda yemera kandi yakwifuza gukorana indirimbo(featuring)nawe muri iyi minsi ari BULL DOGG wo mu itsinda rya tuff gang ibi yabitangarije kuri city radio.
Ibikorwa bye nk’umuhanzi
Riderman yaje gusohora indirimbo "Amatopito" yasubizaga indirimbo "Cisha make na "Ibyahishuwe"za groupe B-Gun, dore ko ngo zarimo amagambo amuserereza(beef), gusa iyi ndirimbo akaba yarasabye ko itakongera guca ku ma radio ya hano mu Rwanda kugirango birangize iyo beef.Riderman avuga ko beef atari nziza ariko ko ishobora kugira akamaro mu guteza umuziki imbere mu gihe hadakoreshejwe amagambo yo gusebanya kuko zituma abantu bahiga maze bakarushanwa.
Riderman kuya 04.12.2010 yashyize hanze album ye ya kabiri yise”Impinduramatwara” ikaba iriho indirimbo zakunzwe cyane nka nanjye sinjye,umwana w’umuhanda,n’izindi nyinshi.mu mwaka wa 2008,riderman yahawe igihembo cy’umuhanzi mwiza w’injyana ya rap(BEST RAPPER 2008) muri salax music awards.
